1. Muaj Vajtswv tib leeg yog tus Dawbhuv kawg nkaus, thiab Nws yog tus uas ib txwm muaj nyob thiab koom 3 lub npe: Vajleejtxiv, Vajleejtub, thiab Vajntsujplig Dawbhuv.
2. Yesxus Khestos yog Vajtswv thiab nqis los yug ua neeg. Vaj Ntsujplig tus Dawbhuv lub hwjchim ua rau Maslis tus uas yog nkaujxwb xeeb thiab yug Yesxus. Nws tau los tuag theej cov uas muaj txhaum; ua tus tshiaj uas raug tua fij theej neeg lub txhoj. Yesxus cov ntshav yuav ntxuav txhua tus uas ntseeg tej kev txhaus kom tas mus. Vajluskub tau qhia tseg tias, Nws tau sawv hauv qhovtuag rovqab los lawm thiab mus nyob ntawm Vajtswv, tus muaj hwjchim, sab xis ua peb cov ntseeg tus povthawj hlob. Muaj ib hnub tomntej, Nws yuav rovqab los tsim kho Nws lub tebchaws rau kev ncajncees thiab kev thajyeeb.
3. Vaj Ntsujplig yog tus dawbhuv, raug xa los kav neeg lub siab, ua tus coj peb txoj haukev, ua tus qhiab peb, thiab yog tus pub hwjchim rau txhua txhia tus uas ntseeg, thiab yog tus uas qhib neeg ntiajteb lub siab kom pom txog kev txhaum, kev ncajncees thiab txoj kev txiavtxim uas yuav muaj.
4. Phau Vajluskub Qub thiab Tshiab, txij thaum chivkeeb los yeej tsis muaj ib los lus yuamkev, thiab yog Vajtswb tshoov cov sau lub siab thiab yog Vajtswv hais tawm qhia neeg txog txoj kev dim txim uas Vajtswv tau teem tseg lawm. Ob phau ntawv no yog txojlus tseeb uas Dawbhuv thiab yog txoj kevcai rau cov ntseeg coj thiab xyaum ua lub neej raws.
5. Thaum chivkeeb los, Vajtswv yeej tsim neeg zoo li Vajtswv tus vamntxwv; neeg poob rau txoj kev txhaum vim tsis mloog Vajtswv lus, txij thaum ntawd los neeg sab cev nqaij, daim tawv thiab tus ntsujplig thiaj li txawj tuag. Txhua tus neeg yuas yug los ntawm txoj kev txhaum, yeej raug cais tawm ntawm txojsia ntev mus ibtxhis lawm. Tus uas yuav dim tau lub txim hais los no, nws yuavtsum ntseeg Tus Tswv Yesxus uas los tuag theej neeg lub txhoj nkaus xwb. Tus uas tsis lees txim thiab tsis kam los ntseeg, yuav raug kev tsimtxom mus ibtxhis; tiamsis tus uas los ntseeg, yuav tau zoo nyob kajsiab lug mus ibtxhis.
6. Tswv Yesxus tau muab txoj kev dim pub rau txhua tus neeg lawm; thiab cov uas lees nws txoj kev txhaum thiab los txais yuav Nws, tus ntawd yog tus yug dua tshiab ntawm Vajntsuplig tus Dawbhuv; Vajtswv yuav pub txojsia ntev mus ibtxhis rau nws thiab yuav pub rau nws muaj feem los ua Vajtswv cov menyuam.
7. Vajtswv lub dejsiab yog xav kom tus uas los ntseeg Nws, muaj lub neej puvnpo Vajtsujplig thiab xav kom tus ntawd raug Vajntsujplig muab ntxhuav kom dawbhuv, tsis txhob ua txhaum li neeg ntiajteb pheej ua, tiamsis nws yuav tsum fij lub neej rau Vajtswv thiab rausiab ntso ua lub neej kom haum Vajtswv siab nyiam. Tus ntawd thiaj yuav tau lub hwjchim uas yuav pab nws ua neej kom dawbhuv thiab ua tau tes haujlwm tawgpaj, txitxiv. Qhov no yog ib txhoj kev uas ib tug ntseeg yuavtsum muaj thiab yuav tau xhaum thaum los txais yuav Yesxus ua nws tus Tswv lawm.
8. Yesxus Khestoj muaj cuabkav kho tau tej mob nkeeg uas raug rau neeg lub cev. Kev thov Vajtswv thiab muab roj pleev tus neeg muaj mob yeej qhia tseg nyob rau hauv Vajtswv Txojlus thiab yog ib tes haujlwm tseemceeb rau cov ntseeg uas nyob rau tiamno.
9. Pawbntseeg yog kev sibsau uake losntawm txhua tus uas ntseeg Tsxwv Yesxus, raug ntxuav losntawm Tswv Yesxus cov ntshav. Thiab raug yug dua tshiab losntawm Vajntsujplig tus Dawbhuv. Yesxus yog lub tauhau ntawm lub ceb, pawgntseeg, yuas raug Vajtswv samfwm kom tawm mus ua timkhawv thiab qhia Txojmoo Zoo rau txhua haiv tibneeg nyob hauv ntiajteb.
Pawgntseeg yog lub cev ntawm cov ntseeg Yesxus uas tuaj txoos uake pehawm Vajtswv, tuaj mloog Vajtswv Txojlus uas yuav kho keeg lub siab, tuaj thov Vajtswv uake, tuaj sibtxoos ua phoojywg, tuaj sib koom siab tshajtawm Txojmoo Zoo thiab tuaj koomsiab uake ua kecai rausdej thiab noj Yesxus Roojmov.
10. Txhua tus uas ntseeg thiab tsis ntseeg yuav sawv hauv qhovtuag rovqab los, tabsis cov ntseeg yuav xub sawv rov los thiab mus txais txojsiab ntev mus ibtxhis. Cov uas tsis ntseeg yuav sawv tomqab thiab los mus txais txoj kev txiavtxim.
11. Yesxus Khestos tus kheej rovqab los zaum ob. Txhua tus yuav pom Nws thiab yuav los kav lub ntiajteb no ib txhiab xyoo. Qhov no yog tus ntseeg txoj kev ciasiab thiab yog ib lub ntsiablus tseeb uas yua rau cov ntseeg kubsiab ua lub neej kom dawbhuv thiab mobsiab ua Vajtswv tes haujlwm.
You may click here for the English version.